«Цифровой урок (НОД)» күрэх түмүгэ

24.04.2019

Муус устар 18-19 күннэригэр улуустааҕы «Цифровой урок (НОД)»    күрэх  түмүктүүр түһүмэҕэ икки сиринэн ыытылынна.   Конкурска барыта  30 педагог кыттыыны ылла.   Бастакы түһүмэх түмүгүнэн финалга  оскуолаҕа киириэн иннинээҕи саастаах оҕолор тэрилтэлэрин педагогтарын бөлөҕөр Попова У.Е. Чурапчытааҕы «Кыталык» уһуйаан, Сивцева А.И. — Мугудайтан «Чуораанчык» уһуйаан, Семенова С.Е.  Хатылыттан «Ньургуьун» уһуҋаан, Гуляев Д.Д.  Чурапчытааҕы «Кэскил» уһуйаан, Агафонникова А.Е.  Чурапчытааҕы «Улыбка» уһуйаан  киирдилэр. 

Кинилэр  дьарыктарын  «Улыбка»  уһуйааҥҥа ыытан көрдөрдүлэр.  Педагогтар  методическай таһымнара,  саҥа педагогическай уонна цифровой  технологиялары  дьүөрэлээн сатабыллаахтык тутталлара  сыаналанна.   Манна Чурапчытааҕы «Улыбка» уһуйаан эдэр кэскиллээх педагога Агафонникова Анжелика Егоровна  кырачааннарга  английскай тылга дьарыга үрдүк сыанабылы ылан кыайыылааҕынан та5ыста. 2 миэстэ – иитээччи Попова Ульяна Еремеевна  «Кыталык»  уһуйаан,   3 миэстэ — Гуляев Дмитрий Дмитриевич  «Кэскил» уһуйаан эдэр кэскиллээх педагога буоллулар.

Бу ситиһитинэн кырачаан оҕолорбутун омук тылыгар уһуйар эбии үөрэхтээһин педагогар Дмитрий Дмитриевичка эҕэрдэбитин тиэрдэбит. Атын омук тылын, культуратын оҕолорбут эргиччи сайдыылаах буолалларын туһугар утумнаахтык киллэрэр айымньылаах үлэтигэр ситиһиилэри, саҥаттан саҥа кирбиилэри баҕарабыт.