Оскуолаҕа атаарабыт

27.05.2019

Бүгүн биһиэхэ үөрэх сылыгар биирдэ ыытыллар улахан, дьоһун дьаһалбыт, үөрүүлээх уонна долгутуулаах күнэ тиийэн кэллэ!

Инновационнай үлэтинэн икки төгүл Республика президенин анал Гранын ылбыт «Кэскил» оҕо сайдар киинэ – уһуйаан 2018-2019 үөрэх сылыгар 6 группанан 168 оҕону хабан, иитэр-сайыннарар үлэни ыытта. Тэрилтэ барыта 48 үлэһиттээх, ол иһиттэн 22 педагогическай үлэһит.

Иитэр-сайыннарар үлэни сүрүннүүр Саха Республикатын үөрэҕириитин туйгуна, Российскай Федерация уопсай үөрэхтээһинин бочуоттаах үлэһитэ – Шарина Анна Афанасьевна.

2018-2019 үөрэх сылыгар 39 оҕолоох, 2 бэлэмнэнии бөлөҕү салайан кэллилэр: Саха Республикатын үөрэҕириитин туйгуна, Российскай Федерация уопсай үөрэхтээһинин бочуоттаах үлэһитэ, туйгун категориялаах иитээччи – Константинова Тамара Григорьевна, Саха Республикатын үөрэҕириитин туйгуна, туйгун категориялаах иитээччи – Маркова Марфа Еремеевна, туйгун категориялаах иитээччи – Макарова Марианна Васильевна, үрдүкү категориялаах иитээччи – Макарова Пелагея Егоровна.

Оҕолорбут үчүгэй билиилээх-көрүүлээх, үрдүк культууралаах, чөл олохтоох, дойдуларыгар, норуоттарыгар туһалаах, ийэлэрин – аҕаларын куруутун үөрдэ сылдьар, иитиллибит уһуйааннарын умнубат үтүө дьон буола улааталларыгар ис сүрэхпититтэн баҕарабыт!

Махтал тылларбын этиэхпин баҕарабын күндү төрөппүттэрбитигэр. Уһуйаан иитэр-сайыннарар бары үлэтигэр көхтөөхтүк кыттар буолаҥҥыт, оҕолоргутугар холобур буолаҕыт: биһиги оҕолорбут олоххо активнай позициялаахтар, барытын билэргэ, сатыырга, кыайарга дьулуһаллар, бэйэ-бэйэлэрин кытта эйэлээх сыһыаннаахтар, хаһан баҕарар көмөҕө кэлэргэ бэлэмнэр.

Баҕарабын барыгыт дьиэ кэргэнигэр иллээх-эйэлээх олоҕу, киэҥ билиини, үрдүк үөрэҕи, уйгулаах олоҕу!